Pálína Páls - "Pálína í Hraungerði "

Pálína Pálsdóttir (1891-1983) bjó í Hraungerði við Búðarstíg. Pálína var ættuð af Strönd í Meðallandi. Móðir Pálínu var Þorgerður Halldórsdóttir trésmiðs á Rauðnefsstöðum. Pálína var ekkja Guðmundar skósmiðs Ebenesersonar gullsmiðs á Skúmsstöðum. Þau voru barnlaus. Pálína gaf sig mjög að félagsmálum og var meðhjálpari við kirkjuna. Pálína og Þorgerður voru þekktar sem "Hraungerðismæðgunar" Pálína missti föður sinn áður en hún fæddist, en hann veiktist af lungnabólgu í sjóróðri frá Eyrarbakka 1891. Þær mæðgur urðu síðan umsjónarmenn kirkjunnar. Hraungerði tengdist óbeint áfram starfi þjóðkirkjunnar þegar Haukur Guðlaugsson Söngmálastjóri eignaðist húsið. Guðlaugur kaupmaður "Laugi í Laugabúð" frændi þeirra mæðga ólst upp hjá Þorgerði og Haukur sonur hans og Ingibjargar Jónasdóttir var þar húsagangur í sinni æsku.

-Þó Pálína ætti enginn börn, þá var hún sérstaklega barngóð og gaukaði kexi eða súkkulaði að börnum sem áttu leið hjá. Oft fékk barnaskarinn á Vesturbakkanum að stunda leiki sína í kringum húsið hennar óáreitt.

Skúmstaðahverfi 

Guðjón Öfjörð - "Gauji Ö"

Guðjón Öfjörð Sigfússon (1929--1994) þekktur sem "Gauji Ö" frá Lækjarmóti bjó í Stíghúsi á Búðarstíg og rak vélaverkstæði þar sunnan til á lóðinni við sjógarðinn. Sigfús faðir hans Öfjörð á Lækarmóti var ítustjóri og oft fenginn í jarðvinnuverkefni á ströndinni. Móðir Guðjóns var Lára Guðmundsdóttir frá Sólheimum í Gnúpverjahreppi. Guðjón var giftur Fanney Guðrúnu Magnúsdóttur úr Reykjavík, en afi hennar var Kjartan Guðmundsson á Stokkseyri. Guðjón og Fanney áttu 4 börn. 

Þau féllu frá á árinu 2025

Ásta Ólafsdóttir (1936-2025) hún ólst upp hjá systkynunum Jóni Kristinn og Ástu Gunnarsbarna í Gunnarshúsi. 

Bragi Andrésson (1946-2025) Hjalladæl. Bragi var ættaður frá Sperðli í Landeyjum og þekktur fyrir hrossarækt. Eftirlifandi kona hans er María Níelsen.

Emil Ragnarsson (1944-2025) Háeyrarvöllum. Emil var þekktur sauðfjárræktandi á Eyrarbakka. Eftirfarandi kona hans er Ingibjörg Guðmundsdóttir. 

Sigríður Sæmundsdóttir Túngötu, þekkt sem 'Sigga Sæm'. Eftirlifandi eiginmaður hennar er Trausti Sigurðsson vörubifreiðastjóri.

Sverrir Bjarnfinns - "Sverrir skipstjóri "

Sverrir skipstjóri Bjarnfinnsson (1920-1992) steinsmiðs á Búðarstíg Þórarinssonar bónda í Nýjabæ. Móðir hans var Rannveig Jónsdóttir hafnsögumanns í Melshúsum. (Sjá: Guðrún Bjarnfinnsdóttir) Sigurðssonar formanns í Neistakoti, Teitsson hafnsögumanns á Skúmsstöðum. Sverrir var giftur Guðlaugu Böðvarsdóttir (1922-2012) -þekkt sem "Lilla" - frá Einarshöfn Friðrikssonar bónda á Stönd í Landeyjum. Þau áttu tíu börn. Sverrir var skipstjóri á Þorláki Helga ÁR og átti farsælan sjómannsferil. Árið 1966 brann íbúðarhús þeirra á Búðarsignum til kaldra kola. Sverrir byggði á sama stað eitt fyrsta nútímalega einbýlishúsið á Eyrarbakka og að margra mati hið glæsilegasta. Eftir að skipstjóraferlinum lauk starfaði hann við netagerð í Óðinshúsi.

Skúmstaðahverfi 

Sigurður kaupmaður -"Siggi Kristjáns "

Sigurður Kristjánsson (1896-1977) þekktur sem "Siggi Kristjáns" bjó í einu af reisulegri húsunum á Búðarsignum. Kristján faðir hans Jóhannesson var sparisjóðsstjóri á Eyrarbakka í eina tíð og kaupfélagsstjóri. Elín Sigurðardóttir hét kona hans og móðir Sigurðar. Fyrri kona Sigurðar var Sigurbjörg Vilhjálmsdóttir ferjumanns og járnsmiðs á Óseyrarnesi. Þau áttu eitt barn. Síðari kona Sigurðar var Aðalheiður Jónsdóttir frá Litlu Háeyri. Þau áttu tvö börn. Siggi Kristjáns var kaupmaður á Eyrarbakka, fyrrum hreppstjóri og áhugaljósmyndari. Hann var einn fárra sem eignaðist bifreið í upphafi bílaaldar. Hann gaf sig nokkuð að hreppsnefndarmálum á Bakkanum um miðja 20. öld og var formaður skólanefndar Barnasólanns á Eyrarbakka. 

Skúmstaðahverfi 

Jón V Ólafsson - "Jón Valgeir "

Jón Valgeir Ólafsson (1915-2003) verkstjóri bjó á Búðarstíg. Afi hans Jón Árnason var útvegsbóndi í Þorlákshöfn. Móðir hans var Jónína Guðrún Sigurðardóttir formanns á Kalastöðum. (1872-1945) Kona hans var Guðrún Bjarnfinnsdóttir (1923-1989) "Stella " dóttir Rannveigar Jóns hafnsögumanns í Melshúsum. Þau eignuðust sjö börn. Stella var mjög virk í kvennfélaginu og kirkjukórnum. Jón Valgeir ásamt fleirum gerðu út m/b Pipp ÁR um nokkurt skeið en lengst af var hann verkstjóri í Plastiðjunni en flestir starfsmenn þar voru úr Skúmstaðar og Einarshafnarhverfi. Í hjáverkum stundaði Jón Valgeir grásleppuveiðar á litlum árabát sem hann réri austur í Hrauns-lónin. Síðar þegar starfsemi Plastiðjunar dróst saman og framleiðslueiningar seldar úr þorpinu þá setti hann upp dálítið kjúklingabú í byggingu á baklóð sem áður var þvottahús og smiðja. Fyrsta og eina kjúklingabúið á Bakkanum. Jón Valgeir hafð sérstakt yndi af stangveiðum og fór reglulega í laxveiði ásamt valinkunnum hópi Bakkamanna. Sonur þeirra Haraldur fórst með Hafrún ÁR-28 úti fyrir Eldey 1976

Skúmstaðahverfi 

Ragnhildur Ólafs - "Ragna í Hreggvið "

Ragnhildur Ólafsdóttir (1893-1984) frá Hreiðurborg bjó í Hreggvið í Skúmstaðahverfi. Móðir hennar hét einnig Ragnhildur og var Ísleifsdóttir úr Selvogi. Ragnhildur var ekkja Gísla Pálssonar í Nesi Selvogi. Sagt er að Ragnhildur eldri hafi látið byggja Hreggvið 1925. Börn Ragnhildar yngri voru Ólafur Gíslason "Óli Gísla" í Sandvík vegaverkstjóri og Gísli Ragnar Gíslason á Austurvelli, Háeyrarvöllum. Þekktur sem "Gísli í Kaupfélaginu " síðar fangavörður og lögga.

Skúmstaðahverfi 

Guðmundur Andrésar - "Gvendur Andrésar "

Guðmundur Andrésson (1902-1977) þekktur sem Gvendur Andrésar bjó á Skúmsstöðum (Hallanda). Bústýra hans var Guðrún Alda Helgadóttir (1930-2013) frá Borgarholti á Stokkseyri og Steinvarar Jónsdóttur. Sonur Öldu er "Helgi Ingvars" fyrrum sjómaður og skipstjóri. Alda starfaði allann sinn starfsaldur við fiskvinnslu og var með hressustu kerlingum á Bakkanum. Hún var síðast búsett á Sólvöllum. 

Skúmstaðahverfi 

Þuríður Helga - "Þura á Kaldbak "

Þuríður Helgadóttir (1904-1995) þekkt sem "Þura á Kaldbak" var ekkja Guðjóns (1897-1964) Guðmundssonar frá Vorhúsum. Foreldrar Þuríðar voru Kristín Jónsdóttir frá Súluholtshjáleigu og Helgi Jónsson bónda þar. Þuríður og Guðjón áttu fjögur börn. Þuríður vann við fiskvinnslu eins og allmargir Bakkakonur í þann tíma og söng í kirkjukórnum. Nokkrum árum eftir fráfall Guðjóns flutti Þura til Ingu dóttur sinnar á Smáratúni og dvaldi þar til æviloka. 

Skúmstaðahverfi 

Jón Þórarins - "Jón Kaldi"

þorbergur Jón Þórarinsson (1915-1998) á Skúmsstöðum þekktur sem "Jón kaldi". Sonur þórarinns í Stígprýði og Oddnýju Magnúsdóttir formanns í Nýjabæ. Guðrún Guðjónsdóttir (1913-2013) "Gunna" var bústýra hjá Jóni, en bjó áður með Kristni Vilmundarsyni í Vestmannaeyjum og átti barn með honum. ( sjá: Þórir Vilmundur Kristinsson). Þau Jón og Gunna giftust síðar. Jón starfaði lengi í Plastiðjunni. Gunna bjó síðustu árin á Sólvöllum og náði 100 ára aldri.

Skúmstaðahverfi 

Ágústa Jóhannesar - "Gústa í Brennu "

Halldóra Ágústa Jóhannesdóttir (1898-1982) gullsmiðs bjó í Brennu, þekkt sem Ágústa í Brennu, var smá í vexti en afbragðsgóð orgelleikari og svo kenndi hún 6 ára börnum að lesa, eins og nokkrar konur stunduðu á Bakkanum í eina tíð. Móðir hennar var Þórdís Símonardóttir ljósmóðir í Stíghúsi. Ágústa bjó með Bergsteini smið Sveinssyni og einn frumkvöðla í kartöflurækt á Bakkanum. 

Skúmstaðahverfi 

Vilhjálmur Einars - "Villi í Tröð "

Vilhjálmur Kristinm Einarsson (1894 -1989) bóndi í Traðarhúsi, þekktur sem Villi í Tröð. Móðir hans Aldís Guðmundsdóttir smiðs frá Eimu. Kona hans Sigríður Sigurðardóttir frá Vatnagarði. Börn þeirra Eydís (Eyja) og Kristín (Stína). Villi hafði lengst af kýr, kindur og hænsni auk ýmissa verkamannastarfa í þorpinu svo sem við sjógarðshleðslu og fiskvinnslu. Föðurafi Villa var Jón Guðmundsson bóndi á Hreiðri í Holtum. 

Skúmstaðahverfi 

Sigurður Andersen - "Siggi á Símstöðinni"

Sigurður Andersen (1932-2002) þekktur sem "Siggi á Símstöðinni" (Mörk) en áður í Bakaríinu sonur Lars Lauritz Andersen Larsen bakara á Eyrarbakka og Kolfinnu Þórarinsdóttur á Vegamótum. Sigurður var giftur Aira Kaarena Könönen frá Elimaki Finnlandi, þekkt sem "Kata".

Þau áttu tvö börn. Sigurður var fróður um sögu þorpsins og stúteraði örnefni er skráð höfðu verið sem og önnur í munnlegri geymd. Fyrir utan stöðvarstjóra starfið tók hann veðrið um margra ára skeið fyrir Veðurstofu Íslands og trekkti kirkjuklukkurnar. Á yngri árum keppti hann undir fána UMFE í þrístökki og glímu. Hann tók einnig þátt í skákmótum auk þess að koma að skipulagningu íþróttasvæðis fyrir félagið. Hann þjálfaði einnig konu sína "Kötu" í kúluvarpi sem hóf í kjölfarið keppnisferil með HSK og komst oft á verðlaunapall. Siggi var gjaldkeri Bárunnar á Eyrarbakka um árabil og gaf sig að hreppsnefndarmálum. Hann ræktaði kartöflur fyrir heimilið í áraraðir af mikilli natni og umhyggju. Sigurður byggði húsið "Hlíðskjálf" og þegar Póstur og Sími var seldur þar sem hann eyddi mestum hluta starfsævinar, settist hann í helgan stein og sneri sér að hugðarefnum sínum, örnefna söfnun og veðurathugunum.

Skúmstaðahverfi 

Kristinn Páls - "Kiddi Páls "

Kristinn Pálsson (1903-1984) á Skúmsstöðum (Pálsbæ) þekktur sem Kiddi Páls. Móðir hans var Jónína Jónsdóttir á Skúmsstöðum. Hann var kvæntur Elísabetu Steinþóru Kristinsdóttur frá Flautafelli í Þistilfirði. Þau áttu 6 börn. Kiddi var gamall togarajaxl og því með orðfæri eftir því sem var alveg laust við guðsótta og væmni. Kiddi starfaði lengi hjá Plastiðjunni eftir að sjómennsku lauk.

Skúmstaðahverfi 

Magnús Magnússon - "Mangi í Laufási"

Magnús Magnússon (1907-1988) var þekktur sem Mangi í Laufási. Hann var ættaður úr Ósgerði í Ölfusi en móðir hans Málfríður var frá Heiði í Holtum Jónsdóttir og bjó lengi með Þórði Þórðarsyni er Laufás byggði. Kona hans var Borghildur Thorarensen og áttu einn son. Mangi stundaði aðalega netaveiðar í Ölfusárósi, einn af brautryðjendum í kartöflurækt og stundaði umfangsmikla vikursteypu og sandsölu á tímabili. Hann var annar af síðustu selveiðimönnum á Bakkanum ásamt "Sæma á Sandi". Mangi var um árabil í stjórn veiðifélags Árnesinga og hreppsnendarmaður Eyrarbakkahrepps, en hann kom víða við í menningar og athafnamálum þorpsins á sinni tíð. Var einn af stofnendum útgerðarfélagsins Óðinn, forgöngumaður um byggingu Frystihússins og bátasmiður. - Í svölluðum "Mangaskúrum" kenndi margra grasa. Í einu skýlinu var aragrúi af skektum og árabátum sem hann hafði safnað að sér.

Einarshafnarhverfi 

Þórdís Gunnars - "Dísa"

Þórdís Gunnarsdóttir (1854-1934) í Einarshöfn, dóttir Gunnars Jónssonar smiðs í Gunnarshúsi og Ingibjargar. Þekkt sem Dísa í Dísubæ, ekkja Jóhanns Elí formanns frá Steinskoti. Börn þeirra: systurnar Ingibjörg og Katrín, Bjarni skipstjóri á Jóhanni Þorkelssyni, Jóhann útgerðarmaður og fyrrum aðaleigandi Fiskiver sf. Þeir bræður gerðu út bátanna Jóhann Þorkelsson ÁR og Álaborg ÁR. 

Einarshafnarhverfi 

Þórir Kristins -"Þórir í Norðurbæ"

Þórir Vilmundur Kristinsonar á Skúmsstöðum (1937-2020) þekktur sem "Þórir í Mangabæ eða  Norðurbæ" bjó í Einarshöfn (Norðurbæ). Móðir hans var Guðrún Guðjónsdóttir. Kona hans var Hallbera (Halla) Jónsdóttir frá Vestmannaeyjum í þann tíð er þau bjuggu á Bakkanum. Þau eignuðust fimm börn. Tóki var mikið fyrir hesta og átti þá nokkra. Hann var á sínum tíma fangavörður á Litla-Hrauni en áður sjómaður í Þorlákshöfn og Eyrarbakka. Þau flutu síðar af Bakkanum og til Reykjavíkur og skildu. Síðast var Þórir til heimilis á hjúkrunarheimili Sólvöllum Eyrarbakka. 

Einarshafnarhverfi 

Marel Þórarins

Marel Oddgeir Þórarinsson (1898 - 1981) bjó í Einarshöfn eða svokölluðu Prestshúsi. Hann var fæddur í Nýjabæ Eyrarbakka en ætt hans lá á Hæðargarði og víðar í Landbroti. Móðir hans var Kristín Guðmundsdóttir. Kona hans var Sigríður Gunnarsdóttir frá Litlu Háeyri, en hún var ættuð frá Torfastöðum.

Börn þeirra voru Ingibjörg, Guðni og Guðfinnur er drukknaði á síldveiðum 1963 á m/b Erlingi VE eftir að hafa fallið útbyrðis úti fyrir Ingólfshöfða. 

-Með skippera kaskeit á höfði gekk Marel nær daglega út að sjógarðshliði að vita skipaferða svo sem algengt var á fyrri tíð.

Einarshafnarhverfi 

Sigmundur Guðjóns - "Simmi"

Sigurmundur Guðjónsson (1903-1985) þekktur sem "Simmi" bjó í Einarshöfn. Faðir hans Jónsson bóndi á Skúmsstöðum ættaður frá Lyngum í Meðallandi. Móðir hans var Guðrún Vigfúsdóttir frá Efra-Seli á Stokkseyri. Kona Sigurmundar var Ágústa Magnúsdóttir (1905-1996) frá Miðhúsum Gnúpverjahreppi. Börn þeirra Guðrún og Jón Ingi listmálari á Selfossi. Sigurmundur átti nokkrar kindur og hænur sem hann annaðist, en auk þess starfaði hann í Plastiðjunni. Hann átti Ferguson traktor sem hann fór allra sinna ferða á.

Sigmundur annaðist vörslu á landgræðslusvæðinu vestan við þorpið og viðhald á girðingum fyrir Landgræðslu Ríkisins mestan hluta starfsævinar. 

Einarshafnarhverfi 

Guðjón Páls - "Gauji Páls"

Guðjón Pálsson í Höfn (1924-2014) þekktur sem "Gauji Páls" var frá Leifseyri á Eyrarbakka. Faðir Guðjóns var vélstjóri en hann drukknaði á Einarshafnasundi 1927 með mótorbátnum m/b Sæfara, er hét áður Framtíðin. Móðir Guðjóns var Elín Þórðardóttir frá Syðri-Hömrum. Guðjón var giftur Gyðríði Sigurðardóttir frá Steinsbæ, fyrrverandi leikskólastjóra í Brimveri. Guðjón var lengi línuskytta björgunarsveitarinnar og öflugur meðlimur slysavarnarfélagsins. Guðjón og Gyðríður áttu þrjú börn. 

Einarshafnarhverfi 

Sigurður Jóns - Siggi í Steinsbæ

Sigurður Jónsson (1888 -1967) þekktur sem Siggi í Steinsbæ á Eyrarbakka sonur Jóns á Brekkum í Holtum og Gyðríðar Steinsdóttir skipasmiðs í Einarshöfn og svo sem Steinsbær er nefndur eftir. Kona Sigurðar var Regína Jakopsdóttir frá Einarshöfn. Sigurður var smiður góður og á sínum efri árum smíðaði hann einkum vöggur, barnarúm og leikföng úr tré. Sigurður og Regína áttu sjö börn.

Einarshafnarhverfi