föstudagur, 15. október 2021

Miðbærinn á Selfossi fullur af fólki

 

Það er föstudagskvöld og nýi miðbærinn fyllist af fólki í leit að matsölustöðum hvar sem borðpláss kann að vera í boði. Barist er um bílastæði í grenndinni sem anna hvergi fjölda fólks í leitinni að góðum matarbita og umferðaröngþveiti skapast. 

fimmtudagur, 14. október 2021

Leyndardómsfull bygging að rísa

Ekki hefur vitnast hvað mun verða í þessari byggingu sem rís hratt á á bílaplani gömlu kaupfélagssmiðjanna á Selfossi.  Jón Árni eigandi lóðarinnar hefur ekki viljað upplýsa um leyndardóminn að sögn heimamanna. Það hefur verið umræðuhópum á feacebók mikið kappsmál að upplýsist um leyndarmálið.


 

Stekkjaskóli rís í Suðurbyggð

Nýtt skólahús rís

 Fyrsti áfangi hins  nýja barnaskóla á Selfossi rís ört í Suðurbyggð sem einnig er í uppbyggingu um þessar mundir. Búið er að steypa upp kjallara og fyrstu hæð skólans. Framkvæmdum á að ljúka í ágúst 2022. Það er Ístak sem byggir. Þá er líklegt að þegar verði hafist handa  við annan áfanga. Íbúafjölgun er mikil
Útistofur við Stekkjaskóla

á Selfossi þar sem mörg hverfi hafa risið á fáum árum umhverfis gamla Selfoss þorpsins. Íbúafjölgun er nú um 10% á ári.


Nú bíða um 200 börn eftir að komast í skólann en þau eru nú í bráðabrigða kennsluúræði víða í bænum. Bráðabrigða útistofur sem áttu að taka við þessum hópi þetta skólaár og áttu að vera tilbúnar í ágúst sl á skólalóðinni en afhending þeirra hefur dregist fram úr öllu hófi og verða líklega ekki að fullu tilbúnar fyrr en í lok nóvember nk. Það er Snorri ehf sem byggir.

miðvikudagur, 13. október 2021

Framkvæmdir við Barnaskólann á Stokkseyri

Verið er að bæta umferðaröryggi við Barnaskólann á Stokkseyri og veita börnum meira öryggi á skólalóðinni með því ađ girða fyrir umferđ inn á skólalóðina. Verkið er komið vel á veg en hefur gengið hægt þar sem verktakinn hefur ekki náð að bæta við sig mannskap. Vonast er til að verkinu ljúki fyrir lok nóvember ef veður kemur ekki til međ að setja strik í reikninginn. það er PK Gröfuþjónustan á Selfossi sem annast verkið.

sunnudagur, 3. október 2021

Fornleifaupgröftur á Vesturbúðarhól

 

Horft austur yfir Vesturbúðastekkinn


Leifar elsta verslunarhússins koma í ljós.

Í sumar hefur verið unnið að uppgreftri á  Vesturbúðarhól þar sem hinar svo kölluðu Vesturbúðir stóðu framundir 1950 þegar Egill kaupfélagsstjóri á Selfossi lét rífa þær og hylja.


Grafið hefur verið frá undirsöðum elsta verslunarskálans sem var reistur í landi Skúmstaða um miðbik 18. aldar af dönsku konungsversluninni. Fyrr á öldum höfðu norðmenn reist verslunarskála undir selstöðuverslun sína og nefndust þau hús Rauðubúðir, en ekki er vitað hvar nákvæmlega þær stóðu. Sumir telja að þær hafi staðið í landi Einarshafnar þaðan sem farmenn höfðu lendingu allt frá víkingaöld en aðrir að þær hafi verið á þessum stað þar sem liggur hærra í landinu.