Eyrarbakki í fjársvelti?
Fjölmennur fundur Alþýðubandalagsins um atvinnumál - Alþýðubandalagið gekkst fyrir fundi á Eyrarbakka s.l. laugardag um atvinnumál. Fundurinn var óvenju fjölsóttur og fundargestir milli 60 og 70.
Þjóðviljinn - 10. nóvember 1977
Alþýðublaðið kynnir þáttakendur í prófkjöri fyrir kratanna. Erlingur Ævarr frá Vatnagarði er meðal þeirra sem ætla fram.
Bjarni Herjólfsson ÁR 100 kom í fyrsta skipti til Þorlákshafnar í dag, en Þorlákshöfn verður heimahöfn togarans. Skipið var smíðað í Póllandi og er í eigu Árborgar HF en að því standa Eyrarbakki, Stokkseyri og Selfoss. Vigfús Jónsson er stjórnarformaður.
Skipstjóri er Axel Schut ásamt 16 manna áhöfn.
Kaupverð er á milli 500 og 600 miljónir.
"Þangað til búið verður að ganga endanlega frá viðgerð á varnargörðunum og styrkja þá eins og hægt er, verða menn hér öryggislausir," sagði Þór Hagalin, sveitarstjóri á Eyrarbakka...Vísir - 28. september 1976
Vélbáturinn Hafrún ÁR 28 fórst undan Reykjanesi aðfararnótt 3. Mars 1976.
Skipið sem er 73 tonna stálbátur hafði verið útbúið til loðnuveiða m.a. var stórri og þungri kraftblökk komið fyrir á gálga, bakborðsmegin á skipinu sem gæti hafa haft áhrif á ballest skipsins, en það var á leið til loðnuveiðar. Slæmt veður var á þeim slóðum þar sem slysið er talið hafa átt sér stað.
Áhöfnin á GK-268 fundu lík eins skipverja, Ingibjörgu Guðlaugsdóttir f. 1935 frá Reykjavík en hún var kokkur á bátnum. Aðrir skipverjar voru Valdimar Eiðsson skipstjóri, Ágúst Ólafsson frá Sæfelli, Þórður Þórisson frá Brennu, Júlíus Stefánsson í Nýjabæ, Haraldur Jónsson frá Búðarstíg. Guðmundur Sigursteinsson frá Blönduósi og Jakob Zophoniusson fráReykjavík. Einn skipverji Aðalsteinn Stefánsson fór ekki með í þessa ferð.
Tvö önnur systurskip Hafrúnar hafa farist sviplega: Rafnkell GK árið 1960 og Álftanes GK 1976.
