Nemendur Barnaskólans á Eyrarbakka og Stokkseyri fóru í gær í blysför að listaverkinu Kríunni eftir Sigurjón Ólafsson myndhöggvara, en í gær voru liðin 100 ár frá fæðingu listamannsins. Sigurjón Ólafsson fæddist í Einarshöfn á Eyrarbakka 21. október 1908. Hann ólst upp á Eyrarbakka og gekk þar í barnaskóla.
miðvikudagur, 22. október 2008
sunnudagur, 27. júlí 2008
Nóg að sjá og skoða við ströndina
Kajakaferðir eru farnar frá Stokkseyri og þar má einnig heimsækja Tónminjasetrið, Draugasafnið, Álfa og Tröllasafnið og Veiðisafnið svo eitthvað sé nefnt. Á Eyrarbakka má heimsækja Byggðasafn Árnesinga í Húsinu á Eyrarbakka, einu elsta og merkasta húsi landsins.
sunnudagur, 20. júlí 2008
Góður andi í Gónhól
Viðtal við Árna Valdimarsson og Ninu Björg Knútsdóttir sem nýlega opnuðu menningarmiðstöð í Frystihúsinu.
Morgunblaðið - 20. júlí 2008
https://timarit.is/page/4194868?iabr=on#page/n18/search/Eyrarbakka%20/inflections/true
föstudagur, 27. júní 2008
10. Jónsmessuhátíðin
Eyrbekkingar efna til hátíðar í tilefni Jónsmessu um helgina. Nokkrir íbúar bjóða gestum til stofu, gengið verður um söguslóðir og kveikt í Jónsmessubrennu.
Hápunktur hátíðarinnar er Jónsmessubrenna í fjörunni vestan við þorpið á laugardagskvöld kl. 22.
24 stundir - 27. júní 2008
sunnudagur, 1. júní 2008
Suðurlandsskjálftinn 29. mai 2008
Þann 29. maí 2008 klukkan 15:45 reið jarðskjálfti að stærð 6,3 (Mw) yfir Suðurland. Um hefðbundinn Suðurlandsskjálfta var að ræða, með svipuð einkenni og jarðskjálftarnir sem urðu árið 2000. Skjálftinn fannst vel á Eyrarbakka sem víðar. Fjöldi eftirskjálfta fylgdu í kjölfarið og smá-kippir stóðu yfir í nokkra daga.
Nokkur gömul hlaðin hús urðu fyrir talsverðum skemdum.
Húsin sem eyðilögðust:
- Höfn
- Ásgarður
- Smáratún
- Bólstaður
- Mundakot II
- Vatnagarður
- Lundur
fimmtudagur, 29. maí 2008
Suðurlandsskjálftar
Stór jarðskjálfti 6,2 stig reið yfir kl.15:45 í dag. Fjöldi eftirskjálfta fylgdu í kjölfarið, smáir sem stórir. Mikið tjón varð á húsmunum flestra heimila á Árborgarsvæðinu og Ölfusi. Skemdir urðu á Óseyrarbrú og á veginum milli Eyrarbakka og Ölfusárósa. Á Bakkanum hrundu húsmunir og annað lauslegt niður á gólf í mörgum húsum. Garðhleðsla hrundi við eitt hús og einhverjar skemdir urðu á "Bragganum" svo dæmi sé nefnt. Fólki er talsvert brugðið og hyggjast einhverjir ætla að sofa í tjöldum eða fellihýsum í nótt..
laugardagur, 19. apríl 2008
Kvenfélagið 120 ára
Kvenfélagskonur á Eyrarbakka gáfu í vikunni fæðingardeildinni á Selfossi nýtt tæki, súrefnismettunar-, blóðþrýstings- og hitamæli.
Kvenfélagið á Eyr-arbakka fagnar 120 ára afmæli sínu á sumardaginn fyrsta en félagið var stofnað hinn 25. apríl 1888 af 16 konum, að tilstuðlan stúkunnar Eyrarrósarinnar. Félagið er elsta starfandi kvenfélagið á landsbyggðinni.
Nánar Morgunblaðið - 19. apríl 2008
Gerast áskrifandi að:
Færslur (Atom)