Eyrbekkingar kvaddir 2020

Birgir M Indriðason matreiðslumaður í Reykjavík. 

Sigríður V Vilbergsdóttir á Selfossi. 

Þórhallur Hólmgeirsson á Akranesi. 

Mikil hálka olli tjóni

Bæjarstarfsmenn meta tjónið.

Mikil hálka myndaðist á bílastæði við leikskólann Álfheima með þeim afleiðingum að bifreið hafnaði á rampi og mölbraut handriðið. Nokkurt tjón varð á bifreiðinni.
 

Tryggvaskáli á Selfossi hættir rekstri

 

Rekstur Tryggvaskála stöðvaðist í vetur þegar rekstraraðili hætti. Erfitt ástand hefur verið í rekstri veitingahúsa á svæðinu núna á meðan heimsfaraldurinn er að ganga yfir. Nýr rekstraraðili mun hefja veitingahús rekstur í húsinu næst vor, en vonast er til að þá verði búið að slaka nægilega á Covid takmörkunum til að rekstur geti gengið eðlilega fyrir sig.

Kæjak skúrinn á Stokkseyri fær upplyftingu

 

Kæjak skúrinn á Stokkseyri hefur fengið andlitslyftingu. Það er ferðaþjónusta sem gerir út á kæjakróðra á vötnum og sjó í grend við þorpið sem hefur þar aðstöðu. 

Veðurathuganir á Eyrarbakka

 

Mönnuð veðurstöð var starfrækt á Eyrarbakka í 140 ár. Þessir voru Veðurathugunarmenn á Eyrarbakka.

Peter Nielsen í Húsinu frá 1880-1910
Guðmundur Ísleifsson Háeyri 1911-1923
Gísli Pétursson Læknishúsi 1923-1939
Pétur Gíslason Læknishúsi 1939-1981
Sigurður Andersen Mörk 1980-2001
Emil Hólm Frímannsson frá 2002- [2020?]

Sjálfvirk veðurstöð hefur verið í notkun síðan 2002

Heimild: Brim.123.is 

Tvær nýjar útistofur settar niður við Vallaskóla

Tvær nýjar útistofur eru að verð tilbúnar undir kennslu við Vallaskóla , en mikil fjölgun barna í sveitarfélaginu hefur kallað á skjótar aðgerðir til að geta hýsti öll skólabörn sem koma inn í skólann nú þessa dagana. Það er Hamar og Strik ehf. sem byggir. 

Staður Eyrarbakka

 

Ný lyfta fyrir fatlaða hefur verið tekin í notkun í samkomuhúsinu Stað á Eyrarbakka. Það eru HM lyftur ehf. sem framkvæmdu verkið, en að því komu líka múrara, málarar, rafvirkjar, trésmiður og járnsmiðir. Kostnaður var um 2 millj. 

Mannskapaveðrið 1883

 Jón J Bíldfell fjallar um mannskaðaveðrið 1883 og viðureign sjómanna við brimið.

Tímarit Þjóðræknisfélags Íslendinga - 1934

Saga Eyrarbakka

 Það tók Vigfús Guðmundsson frá Keldum 28 ár að skrifa sögu Eyrarbakka. Vigfús var vel þekktur fræðaþulur á sínum tíma. Saga Eyrarbakka var gefin út 1944 í tveim bindum.

Alþýðublaðið - 19. nóvember 1944

Sundlaug Stokkseyrar

 

Skjólgirðing við sundlaug Stokkseyrar hefur verið endurnýjuð að hluta og hækkuð. Það voru Braggahús ehf og Hlið við Hlið ehf sem framkvæmdu.

Stórabóla 1707-1709

 Stórabóla gekk um landið á árunum 1707-1709. Pestin barst til landsins með skipi sem kom til Eyrarbakka. 

Eyrarbakki var eini verslunarstað- urinn í stærsta verslunarumdæmi landsins, Árnes-, Rangárvalla- og Vestur-Skaftafellssýslu. Á því svæði bjuggu rúmlega 11.000 manns af þeim 50.000 sem í landinu voru.

Nánar: Morgunblaðið - 23. apríl 2020

Vitaleiðin

 Það er ný ferða­ manna leið í mótun sem beinir athygli ferðafólks að nýju svæði í umhverfi Sveitarfélagsins Ölfuss, Eyrarbakka og Stokkseyri.

 Þessi leið dregur fram þá miklu sögu og menningu sem er til staðar á svæðinu sem og alla upplifunarmöguleikana í afþreyingu og náttúru. Vitaleiðin er 45 km leið sem nær frá Selvogi að Knarrarósvita rétt við Stokkseyri í Árborg.

Bændablaðið - 19. mars 2020

Ný útistofa bætist við leikskólann Árbæ

 

Verið er að taka í notkun nýja útistofu fyrir leikskólann Árbæ á Selfossi, en mikil fjölgun barna í bæjarfélaginu hefur kallað á skjótar lausnir til að útrýma biðlistum eftir leikskólaplássi. Það er Hamar og Strik ehf sem byggir.