Miðbærinn á Selfossi fullur af fólki

 

Það er föstudagskvöld og nýi miðbærinn fyllist af fólki í leit að matsölustöðum hvar sem borðpláss kann að vera í boði. Barist er um bílastæði í grenndinni sem anna hvergi fjölda fólks í leitinni að góðum matarbita og umferðaröngþveiti skapast. 

Leyndardómsfull bygging að rísa

Ekki hefur vitnast hvað mun verða í þessari byggingu sem rís hratt á á bílaplani gömlu kaupfélagssmiðjanna á Selfossi.  Jón Árni eigandi lóðarinnar hefur ekki viljað upplýsa um leyndardóminn að sögn heimamanna. Það hefur verið umræðuhópum á feacebók mikið kappsmál að upplýsist um leyndarmálið.

 

Stekkjaskóli rís í Suðurbyggð

Nýtt skólahús rís

 Fyrsti áfangi hins  nýja barnaskóla á Selfossi rís ört í Suðurbyggð sem einnig er í uppbyggingu um þessar mundir. Búið er að steypa upp kjallara og fyrstu hæð skólans. Framkvæmdum á að ljúka í ágúst 2022. Það er Ístak sem byggir. Þá er líklegt að þegar verði hafist handa  við annan áfanga. Íbúafjölgun er mikil

Útistofur við Stekkjaskóla

á Selfossi þar sem mörg hverfi hafa risið á fáum árum umhverfis gamla Selfoss þorpsins. Íbúafjölgun er nú um 10% á ári.

Nú bíða um 200 börn eftir að komast í skólann en þau eru nú í bráðabrigða kennsluúræði víða í bænum. Bráðabrigða útistofur sem áttu að taka við þessum hópi þetta skólaár og áttu að vera tilbúnar í ágúst sl á skólalóðinni en afhending þeirra hefur dregist fram úr öllu hófi og verða líklega ekki að fullu tilbúnar fyrr en í lok nóvember nk. Það er Snorri ehf sem byggir.

Ný Íþróttahöll senn tekin í notkun

Iðnaðarmenn að störfum

Nú líður að því að nýja íþróttahöllinn í Árborg verði tekin í notkun og má búast við að einhver starfsemi hefjist þar strax í næstu viku. Fjölnýtihúsið er stórkostleg bylting fyrir allt íþróttastarf í sveitarfélaginu þar sem hægt verður að stunda æfingar af ýmsu tagi allt árið um kring og er víst að það mun efla knattspyrnuíþróttina sér í lagi.
Það sem kann að varpa skugga á  þessi tímamót er hin illræmda útilokunarmenning sem tröllríður íþróttaheiminum um þessar mundir og ekki síst íslenska lansliðinu í knattspyrnu. 

Gođheimar, nýr leikskóli tekur til starfa í Árborg.

 

Nýr 6 deilda leikskóli var nýveriđ tekin í notkun á Selfossi sem hefur hlotiđ nafniđ Gođheimar. Fyrsta skófluxtungan var tekin 19. Desember 2019 og hefur verkiđ gengiđ ađ óskum. Byggingafélagiđ Eykt sá um verklegar framkvæmdir. Leikskólastjóri er Sigríđur Birna Birgisdóttir, en hún er sem kunnugt er fædd og uppalin á Bakkanum. 

Mikil hálka olli tjóni

Bæjarstarfsmenn meta tjónið.

Mikil hálka myndaðist á bílastæði við leikskólann Álfheima með þeim afleiðingum að bifreið hafnaði á rampi og mölbraut handriðið. Nokkurt tjón varð á bifreiðinni.
 

Tryggvaskáli á Selfossi hættir rekstri

 

Rekstur Tryggvaskála stöðvaðist í vetur þegar rekstraraðili hætti. Erfitt ástand hefur verið í rekstri veitingahúsa á svæðinu núna á meðan heimsfaraldurinn er að ganga yfir. Nýr rekstraraðili mun hefja veitingahús rekstur í húsinu næst vor, en vonast er til að þá verði búið að slaka nægilega á Covid takmörkunum til að rekstur geti gengið eðlilega fyrir sig.

Tvær nýjar útistofur settar niður við Vallaskóla

Tvær nýjar útistofur eru að verð tilbúnar undir kennslu við Vallaskóla , en mikil fjölgun barna í sveitarfélaginu hefur kallað á skjótar aðgerðir til að geta hýsti öll skólabörn sem koma inn í skólann nú þessa dagana. Það er Hamar og Strik ehf. sem byggir. 

Staður Eyrarbakka

 

Ný lyfta fyrir fatlaða hefur verið tekin í notkun í samkomuhúsinu Stað á Eyrarbakka. Það eru HM lyftur ehf. sem framkvæmdu verkið, en að því komu líka múrara, málarar, rafvirkjar, trésmiður og járnsmiðir. Kostnaður var um 2 millj. 

Sundlaug Stokkseyrar

 

Skjólgirðing við sundlaug Stokkseyrar hefur verið endurnýjuð að hluta og hækkuð. Það voru Braggahús ehf og Hlið við Hlið ehf sem framkvæmdu.

Ný útistofa bætist við leikskólann Árbæ

 

Verið er að taka í notkun nýja útistofu fyrir leikskólann Árbæ á Selfossi, en mikil fjölgun barna í bæjarfélaginu hefur kallað á skjótar lausnir til að útrýma biðlistum eftir leikskólaplássi. Það er Hamar og Strik ehf sem byggir.

Stúkan lagfærð

 

Lekavandamál hafa verið viðvarandi í Stúkunni á Selfossvelli, en með nýrri tækni er vonast til að vandamálið heyri sögunni til. Borað er inn í steypa á fjölmörgum stöðum og ventlar settir í, en í þá er sprauta frauðefni undir þrýstingi. Frauðefni leitar í allar sprungur og lokar þeim. Það var Vörðufell ehf sem sá um framkvæmdir.

Sýningin 'Miðbærinn'

 Í Listagjánni í Bókasafni Árborgar á Selfossi má sjá sýninguna Miðbærinn – söguleg byggð, en hún inniheldur ljósmyndir af gömlum húsum á Eyrarbakka eftir Magnús Karel Hannesson. Magnús segir að á Eyrarbakka sé best varðveitta eldri götumynd á öllu Suðurlandi og að hún sé helsta sérkenni þorpsins. „Hér er ekta söguleg heild- stæð byggð með húsum, sem flest eru byggð frá 1890 til 1915.

Nánar í Morgunblaðinu í dag.

Hvalreki á Eyrarbakka fjöru

 

Smáhveli rak á fjörur við Eyrarbakka á dögunum. Talið er að hvalurinn hafi verið dauður þegar hann rak á land. Bæjarstarfsmenn sáu um að grafa hræið þarna í fjörunni.

Kosningar í vændum

 Bæjarsmiðirnir smíða nýja kosningaklefa fyrir kjörstaði Árborgar og hér eru þrír klefar tilbúnir á smíðaverkstæðinu í Laugardælum. 5 kjördeildir eru í sveitarfélaginu, þrjár í Vallaskóla og ein á Stokkseyri og sömuleiðis á Eyrarbakka. 

Fjörugt á Jónsmessuhátíð

 

Hin árlega Jónsmessuhátið fór fram um helgina í rjómablíðu eins og endranær og lauk með tónleikum í fjörunni þar sem Bakkabandið hélt uppi fjörinu fram að sólsetursstund.

Í tilefni dagsins voru brimflöggin dregin að hún. Endursmíðað box fyrir björgunarhringinn í upprunalega mynd var komið fyrir á sínum stað.

Sjómannadagurinn á Eyrarbakka

 

Sjómannadagurinn var haldinn hátíðlegur á Eyrarbakka samkvæmt gamalli hefð og farið í stutta siglingu með börnin á hraðbátum björgunarsveitarinnar.

Eyrarbakki árið 1973

 

Gömul loftmynd af Eyrarbakka, líklega frá því um 1973. Þorpið hefur nokkuð vaxið síðan.

Tónleikar á Bakkanum

 Jón Tryggvi Unnarsson hefur, ásamt eiginkonu sinni Unni Arndísardóttur, glætt Eyrarbakka lífi með tón­leikahaldi á heimili þeirra hjóna. Nú hafa þessi listrænu hjón skipulagt tónlistarhátíð á Eyrar­bakka þar sem alþýðutónlist og trúbadorar eru í aðalhlutverki. „Við höfum haldið tónleika á heimili okkar sem kallast Merki­ gil síðustu ár.

Nanar: DV í dag 

Eggjaskúrinn

 Um helgina verður því fagnað að endurbyggingu Eggjaskúrsins á Eyrarbakka er lokið en skúrinn stendur við Húsið sem hýsir Byggðasafn Árnesinga. Lýður Pálsson safnstjóri segir að sumum hafi þótt skrýtinn þessi áhugi heimamanna á að byggja skúr sem bar svo einkennilegt nafn. Skúrinn ætti sér hins vegar merkilega sögu og hann sagði almenna ánægju með að tekist hefði að koma honum upp.

Nánar í Mogganum í dag.