Bæjarráð Sveitarfélagsins Árborgar hefur veitt fyrirtækinu Álkerfi ehf vilyrði fyrir atvinnulóð á Eyrarbakka
miðvikudagur, 26. nóvember 2025
Álkerfi hyggst hefja starfsemi á Eyrarbakka
mánudagur, 10. nóvember 2025
sunnudagur, 9. nóvember 2025
Kennara vikið frá störfum á Eyrarbakka
Kennara við Barnaskólann á Eyrarbakka og Stokkseyri var vikið frá störfum í lok október vegna meints ofbeldis gegn nemanda. Um þetta fjallar móðir nemandans í DV.
Deiliskipulag fyrir fangelsi á Stóra Hrauni samþykkt.
Bæjarstjórn Árborgar samþykkti samhljóða á fundi í vikunni nýtt deiliskipulag fyrir nýtt öryggisfangelsi á Stóra Hrauni á Eyrarbakka skammt frá núverandi fangelsi á Litla Hrauni.
Pottréttmyndir Sigurjóns Ólafssonar
I október síðastliðnum var opnuð sýning í listasafni Sigurjóns Ólafssonar á völdum portrettum Sigurjóns undir yfirskriftinni Augliti til auglitis. Birgitta Spur, ekkja Sigurjóns Ólafssonar myndhöggvara er stofnandi safns hans á Laugarnesi í Reykjavík.
Á sýningunni getur fólk séð elstu varðveittu mannamynd hans sem hann gerði fyrir rúmri öld, eða 1924 þegar hann var sextán ára. Þetta er lágmynd sem hann gerði af kennara sínum í barnaskólanum á Eyrarbakka, Aðalsteini Sigmundssyni.
Menningarverðlaun Árborgar 2025
Hjónin Magnús Karel Hannesson og Inga Lára Baldvinsdóttir á Eyrarbakka eru handhafar menningarverðlaun Árborgar fyrir árið í ár, en þau hafa á undanförnum áratugum auðgað menningarlíf í sveitarfélaginu svo sómi er að. Þau eru líka ný búin að gefa um bók um „Horfin hús á Eyrarbakka og þróun byggðarinnar frá 1878 til 1960”.
www.visir.is
mánudagur, 28. apríl 2025
Leikfélag Eyrarbakka
Leikfélag Eyrarbakka er lítið en skemmtilegt áhugaleikfélag sem var endurstofnað árið 2023. Leikfélagið eldra hafði lagt starfsemi sína niður laust eftir miðja síðustu öld.
Leikfélagið heldur úti Feacebook síðu.
laugardagur, 26. apríl 2025
Gjaldskyldu komið á Ráðhúsbílastæði.
Unnið er að því að koma upp myndavélakerfi fyrir gjaldskyldu á bílastæðinu við Ráðhúsið. Verkefnið er í samstarfi við Parki. Mjög erfitt er fyrir viðskiptavini að fá stæði þar sem bílastæðum hefur fækkað umtalsvert á svæðinu vegna aukins byggingamagns.
Framkvæmdir við Barnaskólann
Um þessar mundir er verið að ljúka við drenun meðfram sökkli gömlu skólabyggingarinnar. það er liður í endurbótum á skólahúsinu sem var lokað eftir að mygla kom þar upp fyrir nokkrum árum. Húsið verður síðan notað undir aðra starfsemi þegar endurbótum lýkur, en áætlað er að það verði gert í áföngum næstu tvö til þrjú árin.
Framkvæmdir hjá Olís Eyrarbakka
Undanfarið hafa staðið yfir framkvæmdir við Olís sjoppuna Bakinn. Verið er að endurnýja olíutankanna og hefur olía og bensín verið afgreitt úr bráðabirgða tanki á meðan framkvæmdir hafa staðið yfir.
mánudagur, 6. janúar 2025
Eyrbekkingar kvaddir á árinu 2024
Anna Esther Ævar Jónsdóttir 87 ára frá Grindavík. Dóttir Gróu Jakobínu Jakobsdóttir í Vatnagarði Eyrarbakka og Jóns Erlingssonar er fórst með m/s Heklu 1941 *(þýskur kafbátur, U564, grandaði flutningaskipinu sem var á leið sinni frá Íslandi til Halifax í Kanada.)
Guðrún Thorarensen 90 ára frá Þorvaldseyri Eyrarbakka Ólafsdóttir og Jennýar þar á bæ. Maður hennar heitinn Hörður Thorarensen.
Haukur Guðlaugsson 93 ára Söngmálastjóri þjóðkirkjunnar sonur Guðlaugs kaupmanns og Ingibjargar á Sjónarhóli.
Kristín Vilhjálmsdóttir 83 ára frá Traðarhúsi Eyrarbakka dóttir Vilhjálms Einarssonar og Sigríðar Sigurðardóttur þar á bæ.
Rögnvaldur Bjarkar Árelíusson 79 ára frá Hvoli Eyrarbakka sonur sr Árelíusar Níelssonar og Ingibjargar Þórarinsdóttur þar á bæ.
Sigurður Kristinsson 59 ára gítarleikari í Sniglabandinu frá Vestmannaeyjum en á Eyrarbakka eftir gos. Sonur Kristinns Karlssonar og Bryndísar Sigurðardóttur.
Skúli Æ Steinsson 82 ára tamningamaður og hrossaræktandi frá Vatnagarði Eyrarbakka sonur Gróu Jakopsdóttir og Steins Einarssonar þar á bæ. Skúli lést af slysförum.
Þuríður Widnes Gunnarsdóttir 63 ára dóttir Gunnars Olsen vegaverkstjóra Péturssonar frá Widnes í Noregi og Ingu Kristínar Guðjónsdóttur frá Kaldbak Eyrarbakka. Eftirfarandi eiginmaður Þuríðar er Friðrik Sigurjónsson.
Gerast áskrifandi að:
Ummæli (Atom)