Mynd

https://www.facebook.com/100063474551231/posts/1161476915978116/?mibextid=rS40aB7S9Ucbxw6v 

Framkvæmdir hafnar við Búðarstíg

Nú eru framkvæmdir við gangstéttar komnar vel af stað við Búðarstíg. Það hefur dregist um ár að hefja framkvæmdir vegna kærumála í útboðsferli. Stígurinn var malbikaður á síðasta ári og stóð til að hefja vinnu við gangstéttar í beinu framhaldi. 

Jonni og Böddi á Sóltúni

 Jón Ingi [Jonni] Sigurjónsson (1936-2020) Valdimarssonar og Lilju Böðvarsdóttir í Norðurkoti. Kona hans var Margrét [Magga] Ólafsdóttir frá Götuhúsum húsasmiðs, Ólafssonar vegaverkstjóra á Þorvaldseyri Bjarnasonar í Simbakoti. Jonni og Magga bjuggu á efri hæðinni í Sóltúni, en aldrei bjó neinn á efstu hæð þessa mikla húss sem byggt var um og eftir 1960. Jonni starfaði við ýmis verkamannastörf, síðast hjá Alpan ehf. Magga vann við afgreiðslu í kaupfélaginu á meðan það var og hét. Hún dó fyrir aldur fram aðeins 52 ára. 

Böðvar [Böddi] Sigurjónsson (1938-2018) bróðir Jóns bjó á jarðhæðinni og hans frú var Hanna Guðmundsdóttir frá Stekkum. Böðvar stundaði umfangsmikla kartöflurækt seinni árin en ýmis verkamannastörf fyrrum. 

Skúmstaðahverfi-Sóltún

Lilja í Norðurkoti

 Lilja Böðvarsdóttir (1914 - 2006) í Norðurkoti var verkakona fædd á Skálmholtshrauni í Villingaholti. Móðir hennar hét Jónína Guðmundsdóttir. Lilja var ein af 9 systkynunum sem flest bjuggu á Bakkanum og afkomendur mörg um lengri eða skemmri tíma. Eginnmaður hennar var Sigurjón (1919-1952) Valdimarssonar er síðast stundaði útgerð á Akranesi. Móðir Sigurjóns var Guðný Jónsdóttir bónda og útgerðarmanns í Norðurloti.  Lilja og Sigurjón áttu fjögur börn, en Lilja varð ekkja snemma á lífsleiðinni þegar maður hennar lést vegna veikinda.

Norðurkot er gömul hjáleiga frá Skúmsstöðum en er núna sumarbústaður.

[Norðurkot Skúmstaðahverfi]

Gvendur Eiríks í Merkigarði

 Guðmundur smiður Eiríksson (1899-1984) bjó í Merkigarði sem ber nafn sitt eftir landamerkjum Háeyrar og Skúmstaða og Stefán Ögmundsson lét byggj árið 1878. Eiríkur var bóndi í Þórðarkoti Árnasonar bónda þar. Móðir Guðmundar var Helga Guðmundsdóttir. Kona Guðmundar var Sigurlína Jónsdóttir. Þau áttu 3 börn, Bjarna, Eirík og Ósk.

Guðmundur rak lítið trésmíðaverkstæði út við sjógarð, við svokölluð "byrgi".

Merkigarður Háeyrarhverfi 

Siggi tani á Sólbakka

 Sigurður skipstjóri Guðmundsson (1924-1981) bílasala á Eyrarbakka og síðar Reykjavík, Guðmundsonar oddvita á Eyrarbakka Jónssonar bónda á Hrauni í Ölfusi er drukknaði í Ölfusárósi ásamt sr Guðmundi presti í Arnarbæli 1873. Móðir Sigurðar var Guðlaug Brynjólfsdóttir skósmiðs í Garðhúsum, siðar Merkisteini. Kona Sigurðar var Vilborg Sæmundsdóttir talsimavörður (1928-1999) trésmiðs í Einarshúsi Eyrarbakka.  Þau áttu tvo syni, Hafstein er lést 19 ára gamall í bílslysi árið 1980 og Guðmund Jónatan er lést vegna alvarlegra veikinda 15 ára gamall árið 1981. Þau fluttu til Reykjavíkur 1967 en dvöldu oftast í Einarshúsi á sumrin á meðan Sigurður og synirnir lifðu.

[Sólbakki ] Háeyrarhverfi

Ingvar í Hliði

 Ingvar Halldórsson í Framnesi, (1897-1987) þekktur sem Ingvar í Hliði. Móðir hans var Guðfinna Jónsdóttir frá Arabæjarhjáleigu. Ingvar bjó með Steinunni Jónsdóttir frá Þorgrímsstöðum, ekkju Stefáns Bjarnasonar í Stokkseyrarseli, en þau áttu 6 börn. Ingvar starfaði lengi sem flatningsmaður í Frystihúsinu en heimafyrir dundaði hann við að rækta kartöflur og grenitré. Fóstursonur hans var Stefán Stefánsson smiður.

Skúmstaðahverfi 

Hjörtur í Káragerði

Hjörtur Leo Jónson (1918-2007) hreppstjóri bjó í Káragerði, þekktur sem "Hjörtur í Káragerði" ættaður úr Skagafirði. Hjörtur var giftur Sesselju Ástu Erlendsdóttur, skipstjóra á Stokkseyri (1921 - 1917) þekkt sem "Ásta í Káragerði" ættuð úr Rangárvallasýslu. Þau áttu þrjú börn. Hjörtur stundaði allmikla kartöflurækt en var auk þess hagleikssmiður.

Káragerði 

Skúmstaðahverfi 

Vigfús Jónsson "Fúsi oddviti"

Vigfús Jónson oddviti (1903-1989) bjó í Garðabæ, eystra húsi, þekktur sem "Fúsi oddviti" faðir hans var steinsmiður í Reykjavík, en Fúsi var í fóstri á Eyrarbakka frá einsárs aldri hjá Tómasi Vigfússyni í Götuhúsum og Margréti Vigfúsdóttir. Bústýra hans var Vigfúsína Bjarnadóttir, þekkt sem "Sína". sem einnig var í fóstri þar sem barn. Á efri hæðinni bjó Sigfús bóndi Árnason (1859-1975) frá Hurðabaki í Flóa, þekktur sem "Fúsi gamli" en hann var ekkill eftir Önnu Tómasdóttir frá Götuhúsum (1894-1949) Þau áttu fjögur börn, þar á meðal var Aðalheiður í Ásgarði "Allý". Fúsi oddviti fór með framkvæmdastjórn hreppsins, Trésmiðju Eyrarbakka, beinamjölsverksmiðju, útgerðafélagsin Óðinn og Hraðfrystistöðvar Eyrarbakka, sjúkrasamlagsins og rafveitu Eyrarbakka um áratuga skeið í umboði þorpsbúa og Alþýðuflokksins og naut vinsælda en jafnframt umdeildur. Hann var og þátttakandi í félagsmálum, verkalýðsfélagsins Bárunnar og æðsti templar stúkunar, meðlimur í ungmennafélaginu, formaður í iðnaðarmannafélagi Árnessýslu og söng í kirkjukórnum auk þess að annast viðhaldsmál kirkjunnar. Fúsi var semsagt með puttana í öllu sem sneri að atvinnu og félagslífi í þorpinu og fórst það jafnan vel úr hendi.

Skúmstaðahverfi  Garðbær

Jórun Oddsdóttir

Þórunn Jórunn Oddsdóttir (1897-1989) gullsmiðs og símstöðvarstjóra Oddsonar, þekkt sem "Jórunn". Hún bjó í Mörk þar sem hún gengdi starfi simsöðvarstjóra eftir Magnús bróðir sinn og föður sem var fyrsti símstöðvarstjórinn. Oddur var ættaður frá Sámstöðum í Fljótshlíð. Móðir Jórunnar var Helga Magnúsdóttir frá Vatnsdal í Fljótshlíð hún vann einnig á símanum. Jórunn var ógift og barnlaus.

Skúmstaðahverfi Mörk 

Eiríkur Run

Eiríkur Runólfsson (1928-2019) frá Blómsturvöllum, ættaðan af Fáskrúðsfirði, bjó á Ingólfi um nokkurra ára skeið. Þekktur sem "Eiríkur Run". Móðir hans var Guðlaug Emerentíana "Emma" á Blómsurvöllum. Eiríkur var giftur Stefaníu Þórðardóttir. (1930-2013) Þekkt sem "Stebba Eiríks" Faðir hennar Þórðarson var skipstjóri í Vestmannaeyjum. Börn þeirra voru fjögur. Eiríkur var lengst af fangavörður á Litla-Hrauni og allmörg ár formaður verka og sjómannafélagsins Báran á Eyrarbakka. Þau byggðu húsið 'Vesturbrún' vestast á Háeyrarvöllum. Bróðir Eiríks, Ragnar sem þekktur var sem "Raggi Run" bjó á Bólstað en það hús var rifið eftir Suðurlandsskjálfta 2008.

Skúmstaðahverfi Ingólf

Laugi kaupmaður

Guðlaugur Pálsson (1896-1993) Þekktur sem "Laugi kaupmaður " bjó á Sjónarhóli (Laugabúð) ásamt konu sinni Ingibjörg Jónasdóttur (1905-1984) þekkt sem "Imba Lauga". Páll faðir hans Halldórsson var um tíma skósmiður í Bretlandi, ættaður úr Fljótshlíð. Laugi lærði líka þá iðn en árið 1917 stofnaði hann fyrstu verslun sína, Verslun Guðlaugs Pálssonar og um tíma rak hann nokkur fjölda búða á blómatíma þorpsins.  Móðir Lauga var Jóhanna Ingólfsdóttir Húnvetningur að ætt. Ingibjörg var systir Kristins í Garðhúsi, Jónasar Einarssonar og Guðleifar Gunnarsdóttur. Imba var listfeng og gerði ýmis verk unnin úr sjávargróðri, kuðungum og skeljum sem hún tíndi til í fjörunni. Voru það bæði veggmyndir og skartgripaskrín ýmiskonar. Þau áttu sex börn og þekktast þeirra var Haukur Söngmálastjóri.  (Sjá : Hraungerði.)

Skúmstaðahverfi Sjónarhóll

Bjarni í Kirkjubæ

Bjarni Loftsson (1895-1966) bjó í Kirkjubæ, ættaður frá Steinsholti í Gnúpverjahreppi. Kona hans var Guðrún Jónsdóttir, vestfirsk að ætt. Kirkjubæ lét reisa Ólafur Jónsson frá Þorlákshöfn. Bjarni bar mikl umhyggju fyrir öldruðum, sjúkum og einmanna fólki. Hann gerði sér far um að færa gleði inn á þau heimili. Þau hjónin tóku til sín börn til dvalar og hvíldar af ofsetnum heimilum þar sem þröngt var í búi. Hann var sjálfur sjúklingur í fjölda ára, en trúaður mjög.

Skúmstaðahverfi 

Ella í Kirkjuhúsi

Elín Jónsdóttir (1886-1974) þekkt sem "Ella í Kirkjuhúsi" ættuð frá Laug í Biskupstungum Guðmannssonar frá Járngerðisstöðum í Grindavík. Elín var ekkja Valdimars trésmiðs Þórðarsonar ættaðan úr Landeyjum. Þau hófu búskap í Þórðarkoti er þá tilheyði Sandvíkurhrepp en fluttu á Bakkann 1937. Þau áttu fjögur börn. Elstur var Jón Guðmann Valdimars (1918-1997) er bjó á efri hæðinni í Kirkjuhúsi og þekktur sem "Manni". Kona hans var Stefanía Magnúsdóttir, (1921-2017) þekkt sem "Stebba í Kirkjuhúsi" og mjög drífandi kona í félagsmálum, ættuð frá Flögu í Flóa. Guðmann var trésmiður og hafði verkstæði sunnan við hús nærri sjógarðinum. Trésmiðjan brann á sjöunda tug síðustu aldar og varð ekki endurbyggð. Manni og Vala byggðu svo tilkomumikið einbýlishús austur á Háeyrarvöllum. Þau eignuðust 5 börn sem öll fluttust úr þorpinu. Manni var yfirsmiður við gerð brimvarnargarðsins við höfnina sem reistur var fyrir 60 árum og stendur enn.

Skúmstaðahverfi 

Ármann í Vorhúsum

Ármann Guðmundsson (1908-1994) var þekktur sem "Ármann í Vorhúsum". Hann var garðyrkjubóndi, ættaður frá Akurey í Landeyjum, Jónssonar en móðir hans var Eyrún Jónsdóttir húsfreyja þar. Ármann var giftur Sigurveigu Jónasdóttir, (1909-2000) þekkt sem "Veiga" ættuð frá Rimakoti Landeyjum. Þau áttu eina dóttur, Fanney. Ármann ræktaði aðalega kartöflur og var með garða sína út á engjum eins og kallast löndin undir Breiðumýri.

Skúmstaðahverfi 

Sigurður Ari - "Siggi skó "

Sigurður Ari skósmiður Sveinsson þekktur sem "Siggi skó" (1892-1971) bjó á Sunnuhvoli við Búðarstíg á móti kirkjunni. Sveinn faðir hans var sjómaður og bjó á Ósi Sveinssonar bónda í Simbakoti er drukknaði 13. apríl 1870. (Faðir Þórunnar Sveinsdóttir í Vestmannaeyjum) Móðir Sigurðar var Ingunn Sigurðardóttir ættuð undan Eyjafjöllum. Bústýra Sigurðar var Hildur Guðmundsdóttir (1891-1966) frá Gýjarsteini. Sonur hennar var sr. Eiríkur J Eiríksson prestur á Þingvöllum. Guðmundur faðir hennar Guðmundsson var ferjumaður á Iðu, síðar bóndi á Óseyrarnesi um tíma en bjó síðast á Gýjarsteini Stokkseyri. Sigurður fótbronaði illa um borð í bát er hann var skipverji á, þá ungur maður og var af tekinn af fóturinn við hné eftir að sýking komst í og gékk hann síðan með tréfót. Ungur var Sigurður sjómaður á kútter "Valtýr" í Reykjavík en síðar útgerðarstjóri fyrir bát Páls Grímssonar heitins mág síns í Þorlákshöfn. Sigurður lærði skósmíði hjá Ebeneser skósmiðs í Hraungerði (Sjá Pálína Pálsdóttir) og starfaði við það síðan. Skósmíðaverkstæðið var í smáhýsi sem byggt var við Hraungerði en löngu búið að rífa. Eftir Sigurð lögðust skósmíðar af á Bakkanum. 

Pálína Pálsdóttir "Pálína í Hraungerði "

Pálína Pálsdóttir (1891-1983) bjó í Hraungerði við Búðarstíg. Pálína var ættuð af Strönd í Meðallandi. Móðir Pálínu var Þorgerður Halldórsdóttir trésmiðs á Rauðnefsstöðum. Pálína var ekkja Guðmundar skósmiðs Ebenesersonar gullsmiðs á Skúmsstöðum. Þau voru barnlaus. Pálína gaf sig mjög að félagsmálum og var meðhjálpari við kirkjuna. Pálína og Þorgerður voru þekktar sem "Hraungerðismæðgunar" Pálína missti föður sinn áður en hún fæddist, en hann veiktist af lungnabólgu í sjóróðri frá Eyrarbakka 1891. Þær mæðgur urðu síðan umsjónarmenn kirkjunnar. Hraungerði tengdist óbeint áfram starfi þjóðkirkjunnar þegar Haukur Guðlaugsson Söngmálastjóri eignaðist húsið. Guðlaugur kaupmaður "Laugi í Laugabúð" frændi þeirra mæðga ólst upp hjá Þorgerði og Haukur sonur hans og Ingibjargar Jónasdóttir var þar húsagangur í sinni æsku.

-Þó Pálína ætti enginn börn, þá var hún sérstaklega barngóð og gaukaði kexi eða súkkulaði að börnum sem áttu leið hjá. Oft fékk barnaskarinn á Vesturbakkanum að stunda leiki sína í kringum húsið hennar óáreitt.

Skúmstaðahverfi 

Guðjón Öfjörð - "Gauji Ö"

Guðjón Öfjörð Sigfússon (1929--1994) þekktur sem "Gauji Ö" frá Lækjarmóti bjó í Stíghúsi á Búðarstíg og rak vélaverkstæði þar sunnan til á lóðinni við sjógarðinn. Sigfús faðir hans Öfjörð á Lækarmóti var ítustjóri og oft fenginn í jarðvinnuverkefni á ströndinni. Móðir Guðjóns var Lára Guðmundsdóttir frá Sólheimum í Gnúpverjahreppi. Guðjón var giftur Fanney Guðrúnu Magnúsdóttur úr Reykjavík, en afi hennar var Kjartan Guðmundsson á Stokkseyri. Guðjón og Fanney áttu 4 börn. 

Þau féllu frá á árinu 2025

Ásta Ólafsdóttir (1936-2025) hún ólst upp hjá systkynunum Jóni Kristinn og Ástu Gunnarsbarna í Gunnarshúsi. 

Bragi Andrésson (1946-2025) Hjalladæl. Bragi var ættaður frá Sperðli í Landeyjum og þekktur fyrir hrossarækt. Eftirlifandi kona hans er María Níelsen.

Emil Ragnarsson (1944-2025) Háeyrarvöllum. Emil var þekktur sauðfjárræktandi á Eyrarbakka. Eftirfarandi kona hans er Ingibjörg Guðmundsdóttir. 

Sigríður Sæmundsdóttir Túngötu, þekkt sem 'Sigga Sæm'. Eftirlifandi eiginmaður hennar er Trausti Sigurðsson vörubifreiðastjóri.

Sverrir Bjarnfinnsson - "Sverrir skipstjóri "

Sverrir skipstjóri Bjarnfinnsson (1920-1992) steinsmiðs á Búðarstíg Þórarinssonar bónda í Nýjabæ. Móðir hans var Rannveig Jónsdóttir hafnsögumanns í Melshúsum. (Sjá: Guðrún Bjarnfinnsdóttir) Sigurðssonar formanns í Neistakoti, Teitsson hafnsögumanns á Skúmsstöðum. Sverrir var giftur Guðlaugu Böðvarsdóttir (1922-2012) -þekkt sem "Lilla" - frá Einarshöfn Friðrikssonar bónda á Stönd í Landeyjum. Þau áttu tíu börn. Sverrir var skipstjóri á Þorláki Helga ÁR og átti farsælan sjómannsferil. Árið 1966 brann íbúðarhús þeirra á Búðarsignum til kaldra kola. Sverrir byggði á sama stað eitt fyrsta nútímalega einbýlishúsið á Eyrarbakka og að margra mati hið glæsilegasta. Eftir að skipstjóraferlinum lauk starfaði hann við netagerð í Óðinshúsi.

Skúmstaðahverfi