Eyrbekkingar kvaddir 2015

Guðmundur Finnbogason bryti Seljalandsskóla 91 árs.

Vilborg Eiríksdóttir Í Reykjavík 91 árs. 

Kviknað í íbúðargámi

 Eldur kom upp í íbúðargámi við Árveg á Selfossi. Um var að ræða aðstöðu fyrir útigangsmann og brann allt sem brunnið gat. Enginn var í íbúðinni þegar eldurinn kom upp.

Gámurinn var í eigu Sveitarfélagsins Árborgar. 

Aleinn á Eyrarbakka

 Stuttmynd eftir Ísak Hinriksson tekin upp á Bakkanum. 

Myndin fjallar um eldri mann á Eyrarbakka sem er að fara að halda upp á aðfangadag þegar óvæntan gest ber að garði.

Fréttablaðið

Húsið 250 ára

 Í sumar eru 250 ár liðin síðan Húsið á Eyrarbakka var byggt. Byggðasafnið sem hefur verið með starfsemi sína og sýningar í safninu frá 1995 ætlar að minnast þeirra tímamóta.

Nánar í Mogganum í dag 

Fiskidagurinn á Eyrarbakka

 

 Það var brugðið á leik við félagsheimilið Stað á Aldamótahátíðinni á Bakkanum um helgina. Framkvæmd var sýniútgáfa af saltfiskverkun. Flatningsmennirnir eru þeir félagar Björn Ingi Bjarnason og Siggeir Ingólfsson. Upprennandi útvegsmenn fylgjast spennt með.

Bjartmar á Bakkanum

 Bjartmar Guðlaugsson verður með tónleika í Óðinshúsi á Eyrarbakka í kvöld. Bjartmar mun fara létt yfir tónlistarsögu sína, flytja helstu smelli og segja nokkrar skemmtisögur tengdar þeim. Þarna munu mæta kunningjar eins og Fúll á móti, Sumarliði, mamman með beyglaða munninn og þeirra nánasta fólk.

Mogginn

Fjörugt á Jónsmessuhátíð

 

Hin árlega Jónsmessuhátið fór fram um helgina í rjómablíðu eins og endranær og lauk með tónleikum í fjörunni þar sem Bakkabandið hélt uppi fjörinu fram að sólsetursstund.

Í tilefni dagsins voru brimflöggin dregin að hún. Endursmíðað box fyrir björgunarhringinn í upprunalega mynd var komið fyrir á sínum stað.

Sjómannadagurinn á Eyrarbakka

 

Sjómannadagurinn var haldinn hátíðlegur á Eyrarbakka samkvæmt gamalli hefð og farið í stutta siglingu með börnin á hraðbátum björgunarsveitarinnar.

Eyrarbakki árið 1973

 

Gömul loftmynd af Eyrarbakka, líklega frá því um 1973. Þorpið hefur nokkuð vaxið síðan.

Tónlistarhátíðin BAKKINN

 Alþýðutónlistahátíðin Bakkinn haldin í annað sinn. Það eru þau Unnur og Jón (Unijon) sem eru skipuleggjendur hátíðarinnar og margt þekktra listamanna koma fram daganna 23-25 apríl. 

Mogginn

Sólarkaffi á Bakkanum

 Nokkrir Vestfirðingar, sem búa á Suðurlandi, boða til sólarkaffis að hætti Vestfirðinga sunnudaginn 15. febrúar 2015 í Félagsheimilinu Stað á Eyrarbakka. Alsiða er í byggðum Vestfjarða að drekka sólarkaffi með pönnukökum þegar sólin sést aftur eftir skammdegið. Þessi siður hefur ekki verið á Suðurlandi enda sést sól þar alla daga ársins.

Vestfirðir 2015